Dañs

Dañserien eus Asturiez

An dañs pe ar c'horoll zo un arz evit lakaat an den da c'hoari gant e gorf ken ma ra un heuliadenn a fiñvadurioù kenurzhiet diwar mentadur ar sonerezh d'an aliesañ. An dañs zo ur stumm arz bev, met gallout a ra bezañ ul lid, pe un dudi ivez. Gallout a ra eztaoliñ soñjoù pe fromoù, pe kontañ un istor.

Seurtoù

Dañserien klasel er varrez "Paquita", oc'h ober ur pas de deux.

• ar varrez ("dañs klasel" a vez graet anezhi ivez e broioù ar C'hôrnog) : orin ar varrez a zo e-pad an Azginivelezh italian er XV^vet kantved. Barrezioù a vez graet ivez eus ar c'horollarvestoù kinniget er c'hoarivaoù.
• dansoù hengounel : dañsoù (stroll alies) graet gant pobloù ar bed en un doare hengounel, bremañ alies evit an dudi pe en arvestoù. Tennañ a reont eus sevenadurioù hag istor ar pobloù-se : dañsoù Breizh, dañs Iwerzhon, flamenco, dañs klasel India, an dañs afrikan...
• dañsoù saloñs : valsenn, tango...
• dañsoù latin : mambo, salsa, samba...
• an dañs hip hop
• an dañs jazz
• an dañs a-vremañ, hag all.

E Frañs

Ar barrez

E-pad ren Loeiz XIV e voe diorroet an dañs klasel kalz gant korollarvestoù a oa bet krouet evit ar roue.

Hiziv-an-deiz, evit dont da vezañ ur "dañserez steredenn" eo ret kregiñ an dañs abred. Ret eo kaout an TMD (technique, music, danse)^{(Daveoù a vank)}. Mat eo mont en ur skol dañs vroadel met n'eo ket rediet. Ha goude eo ret gortoz bezañ choazet gant Opera Pariz : pa 'z oc'h choazet e vez graet steredenn ac'hanoc'h^{(Daveoù a vank)}.

Liammoù diavaez

• Korolloù hengounel eus bro Nisa

Gwelet ivez

• Neuierezh sinkronelaet
• Ruzikat arzel
• Jiminas luskek